ဟယ်ရီ မက်ဂွိုင်းယားဟာ ဘီလ်ဘာအိုအသင်းကို မန်ချက်စတာ ယူနိုက်တက်အသင်းက အကောင်းဆုံး ကစားပြီး အနိုင်ရခဲ့တဲ့ ယူရိုပါလိဂ် ဆီမီးဖိုင်နယ် ပထမအကျော့ပွဲမှာ အသင်းအတွက် ပါဝင်ကစားခဲ့ပြီးနောက် ပရိသတ်တွေပေးတဲ့ သူ့ရဲ့ အရမ်းကောင်းတဲ့ နာမည်ပြောင်အသစ်အတွက် ပျော်ရွှင်နေပါတယ်။
ကြာသပတေးနေ့က ဘီလ်ဘာအိုကို ၃-၀ နဲ့ အနိုင်ရခဲ့တဲ့ ပထမအကျော့ပွဲမှာ မက်ဂွိုင်းယားဟာ ခံစစ်ပိုင်းမှာ အထူးကောင်းမွန်တဲ့ စွမ်းဆောင်ရည်ကို ပြသခဲ့ပြီး ပရိသတ်တွေက သူ့ရဲ့ ကစားပုံဟာ ဘရာဇီးလ်ကစားသမားတွေလိုပဲလို့ ပြောဆိုခဲ့ကြပါတယ်။ ဆိုရှယ်မီဒီယာပေါ်မှာ ပရိသတ်တွေ သူ့ကို “ဟယ်ရီဒင်ညို” လို့ နာမည်ပေးထားတာကို သိရှိသွားပြီးနောက် ကက်စ်မဲရိုးရဲ့ အဖွင့်ဂိုးအတွက် အကောင်းဆုံး တောင်ပံကစားကွက် ပြသခဲ့တဲ့ အင်္ဂလန်လက်ရွေးစင်ကစားသမားဟာ သူ့ရဲ့ ပျော်ရွှင်မှုကို မထိန်းနိုင်ခဲ့ပါဘူး။
Photo Credit : Evening Standard
ပွဲအပြီး TNT Sports ကို မက်ဂွိုင်းယားက “အရမ်းကောင်းတာပေါ့ဗျ။ ကျွန်တော့်အတွက် နာမည်ပြောင် တော်တော်များများ ရှိမယ်ဆိုတာ သေချာပါတယ်။ ဒါပေမယ့် အနိုင်ရတာက ပိုအရေးကြီးပါတယ်။” လို့ ပြောကြားခဲ့ပါတယ်။
ဆက်လက်ပြီး မက်ဂွိုင်းယားက “ဒီပွဲစဉ်က မပြီးသေးပါဘူး။ ဒုတိယအကျော့အတွက် အိုးလ်ထရက်ဖို့ဒ်ကလည်း ဒီကွင်းလိုပဲ ပရိသတ်အားပေးမှု ပြင်းထန်မှာ သေချာပါတယ်။ ပထမဂိုးရဖို့ လမ်းကြောင်းဖြစ်ခဲ့တဲ့ ဘောလုံးဆွဲပြေးပြီး ကစားခွင့်ရတာ ကောင်းပါတယ်။ သူတို့က ကျွန်တော့်ကို ဖြတ်တင်ဘောပေးဖို့ ယုံကြည်ခဲ့ကြပုံပါပဲ။” လို့ ဖြည့်စွက်ပြောပါတယ်။
Photo Credit : The New York Times
ယူနိုက်တက်ဟာ ဒီရာသီမှာ ဆိုးရွားတဲ့ ရာသီတစ်ခုကို ပိုင်ဆိုင်ထားပေမယ့် ယူရိုပါလိဂ်ဖလားကိုသာ ဆွတ်ခူးနိုင်ခဲ့မယ်ဆိုရင် ရာသီကို အတိုင်းအတာတစ်ခုအထိ ကယ်တင်နိုင်မှာဖြစ်ပြီး လာမယ့်ရာသီ ချန်ပီယံလိဂ်အတွက်လည်း နေရာတစ်နေရာ သေချာစေမှာပါ။ ယူနိုက်တက်ဟာ စပိန်ကလပ်ကို သူတို့ရဲ့ကွင်းမှာ ထိုက်ထိုက်တန်တန် အနိုင်ယူခဲ့ပြီး အခုဆိုရင် နောက်ထပ် ဥရောပ ဗိုလ်လုပွဲတစ်ခုနဲ့ အလွန်နီးစပ်နေပါပြီ။ ဒီနိုင်ပွဲမှာ မက်ဂွိုင်းယားက အဓိကအခန်းကဏ္ဍကနေလည်း ပါဝင်ခဲ့ပါတယ်။
မက်ဂွိုင်းယားရဲ့ ယူနိုက်တက်အသင်းဟာ လာမယ့် ကြာသပတေးနေ့မှာ ဘီလ်ဘာအိုအသင်းနဲ့ ဒုတိယအကျော့အတွက် အိုးလ်ထရက်ဖို့ဒ်ကို ပြန်မကစားရခင် လာမယ့် တနင်္ဂနွေနေမှာ ဘရန့်ဖို့ဒ်အသင်းနဲ့ ပရီးမီးယားလိဂ် ပွဲစဉ်ကို ယှဉ်ပြိုင်ကစားရမှာ ဖြစ်ပါတယ်။
