ဆော်ဒီကလပ် အယ်လ်ဟီလာအသင်းဟာ မန်ချက်စတာ စီးတီးရဲ့ အရည်အချင်းအရှိဆုံးနဲ့ အတွေ့အကြုံအရှိဆုံး ကစားသမားတစ်ဦးဖြစ်တဲ့ ဘာနာဒို ဆေးလ်ဗားကို ခေါ်ယူဖို့ ပစ်မှတ်ထားနေပါတယ်။ ဆော်ဒီကလပ်ဟာ ပေါ်တူဂီ ကွင်းလယ်လူကို လက်ရှိ အပြောင်းအရွှေ့ကာလအတွင်း ဆော်ဒီပရိုလိဂ်ကို ခေါ်ယူဖို့ အထူးစိတ်ဝင်စားနေပြီး သူတို့ရဲ့ အားကစားစီမံကိန်းအတွက် အဆင့်အတန်းမြင့်မားတဲ့ ကစားသမားကောင်းတစ်ဦးကို ထပ်ပေါင်းထည့်ဖို့ ရည်ရွယ်နေပါတယ်။
အသက်(၃၀)အရွယ်ရှိပြီဖြစ်တဲ့ ဆေးလ်ဗားဟာ ပက်ပ် ဂွါဒီယိုလာရဲ့ လမ်းညွှန်မှုအောက်မှာ စီးတီးအသင်းရဲ့ အောင်မြင်မှု ကာလတစ်လျှောက် အဓိက ကစားသမားတစ်ဦး ဖြစ်ခဲ့ပါတယ်။ မိုနာကိုကနေ ရောက်ရှိလာခဲ့ပြီးနောက် သူဟာ ဖလားများစွာ ရရှိခဲ့ပြီး ကွင်းလယ်ရော တောင်ပံတွေမှာပါ သက်သောင့်သက်သာ ကစားနိုင်တဲ့ ဘက်စုံသုံး ကစားသမားတစ်ဦးအဖြစ် သူ့ရဲ့ခြေစွမ်းကို ပြသခဲ့ပါတယ်။
Photo Credit : Football365
သူ့ရဲ့ မြင်ကွင်းကျယ်ကျယ် ကစားနိုင်မှု နည်းစနစ်ပိုင်းဆိုင်ရာ ဉာဏ်ရည်ထက်မြက်မှုနဲ့ တည်ငြိမ်တဲ့ စွမ်းဆောင်ရည်တွေက သူ့ကို အမြင့်ဆုံးအဆင့်မှာ ယှဉ်ပြိုင်လိုတဲ့ မည်သည့်အသင်းအတွက်မဆို အလိုချင်ဆုံး ကစားသမားတစ်ဦး ဖြစ်စေခဲ့ပါတယ်။
ဆော်ဒီအာရေဗျမှာတော့ ဘာနာဒိုကို အားကစားပိုင်းမှာ သိသိသာသာ အထောက်အကူပြုနိုင်မယ့် ခေါင်းဆောင်ကောင်းတစ်ဦးအဖြစ် ရှုမြင်ထားပြီး လိဂ်အတွက် မီဒီယာရဲ့ သင်္ကေတတစ်ခုလည်း ဖြစ်လာနိုင်ပါတယ်။ ဆော်ဒီရဲ့ စီးပွားရေးအရ ဆွဲဆောင်မှုရှိတဲ့ ကမ်းလှမ်းမှုဟာ သူ့ရဲ့ ဆုံးဖြတ်ချက်အတွက် အဆုံးအဖြတ်ဖြစ်လာနိုင်ပြီး အထူးသဖြင့် သူ့ရဲ့ ကစားသမားဘဝ အခုအချိန်မှာ ဥရောပမှာ ဆက်နေခြင်းထက် စိန်ခေါ်မှုအသစ်တွေက ပိုပြီး အလေးသာနိုင်ပါတယ်။
Photo Credit : Goal
သို့သော်လည်း စီးတီးအသင်းကတော့ dillemma တစ်ခုနဲ့ ရင်ဆိုင်နေရပါတယ်။ ကီဗင် ဒီဘရိုင်း ထွက်ခွာတော့မယ်ဆိုတာ အတည်ပြုပြီးနောက် ဆေးလ်ဗားကိုပါ လက်လွှတ်ရမယ်ဆိုရင် ကွင်းလယ်ကို ပြန်လည်တည်ဆောက်ရာမှာ ကြီးမားတဲ့ ထိုးနှက်ချက်ဖြစ်ပါလိမ့်မယ်။ စီးတီးဘုတ်အဖွဲ့အနေနဲ့ သူ့ကို လက်လွှတ်ဖို့ အချိန်တန်ပြီလား ဒါမှမဟုတ် အသင်းရဲ့ မျှခြေကို မပျက်စီးစေဖို့ အနည်းဆုံး နောက်ထပ်ရာသီတစ်ခုလောက် ဆက်ထိန်းထားဖို့ လိုအပ်လားဆိုတာကို ဆုံးဖြတ်ရပါလိမ့်မယ်။
လောလောဆယ်မှာတော့ အယ်လ်ဟီလာရဲ့ စိတ်ဝင်စားမှုက အမှန်တကယ်ဖြစ်ပြီး နှစ်ဖက်စလုံးအတွက် အခြေအနေတွေ ကောင်းမွန်မယ်ဆိုရင် ဆွေးနွေးမှုတွေက လျင်မြန်စွာ တိုးတက်လာနိုင်ပါတယ်။ ဘာနာဒို ဆေးလ်ဗားဟာ အရှေ့အလယ်ပိုင်းကို ဦးတည်မယ့် နောက်ထပ် ကြယ်ပွင့်ကြီးတစ်ပွင့် ဖြစ်လာနိုင်ပါတယ်။
