လက္ရွိမွာ ဟယ္ရီကိန္း ဒယ္လီအလီတုိ႔လုိ အဓိက ကစားသမားေတြ ဒဏ္ရာရေနသလုိ ဒမ္ဘီလီကလည္း တရုတ္ကုိေျပာင္းေရႊ႕သြားလုိ႔ ကစားသမားပုိင္းမွာ အားနည္းေနတဲ႔ ေတာ့တင္ဟမ္စပါးအသင္းဟာ ေဆာင္းရာသီ အေျပာင္းအေရႊ႕ေစ်းကြက္ မပိတ္သိမ္းခင္ ရက္ပုိင္းအလုိမွာ ပီအက္စ္ဂ်ီအသင္းရဲ႕ ကြင္းလယ္လူ အက္ဒရီယန္ရာဘီေအာ့ကုိ ေပါင္သန္း၂၀ေလာက္နဲ႔ ကမ္းလွမ္းသြားေတာ့မယ္လုိ႔ သိရွိရပါတယ္

အသက္ ၂၃ႏွစ္အရႊယ္ ျပင္သစ္ကြင္းလယ္ကစားသမားေလး ရာဘီေအာ့ဟာ ရာသီကုန္ရင္ အသင္းနဲ႔ စာခ်ဳပ္သက္တမ္း ကုန္ဆုံးေတာ့မွာျဖစ္သလုိ အသင္းဘက္ကေန ကမ္းလွမ္းထားတဲ႔ စာခ်ဳပ္သက္တမ္းတုိးမယ့္ ကိစၥကုိလည္း ျငင္းဆန္ထားခဲ႔သူျဖစ္ပါတယ္။ ပီအက္စ္ဂ်ီနည္းျပ ေသာမတ္တူခ်ယ္ကေတာ့ ရာဘီေအာ့ကုိ ယူ-၂၃အသင္းနဲ႔ပင္ ေလ့က်င့္ခန္းဆင္းခုိင္းထားခဲ႔တာေၾကာင့္ ရာဘီေအာ့နဲ႔ ပီအက္စ္ဂ်ီအသင္းတုိ႔ရဲ႕ အေျခအေနက အဆုိးဆုံးကုိ ေရာက္ရွိေနၿပီး ဒီေစ်းကြက္အတြင္းမွာ အသင္းကေန အၿပီးသတ္ေရာင္းခ်သြားခ်င္ေနတာျဖစ္ပါတယ္။

ရာဘီေအာ့ကုိ ဘာစီလုိနာအသင္းကေန ပထမဆုံး ကမ္းလွမ္းခဲ႔တာျဖစ္ေပမယ့္လည္း အဆင္မေျပခဲ႔လုိ႔ အခုဆုိရင္ ဘာစီလုိနာက ေအဂ်က္စ္ကြင္းလယ္ကစားသမား ဖရန္ကီဒီေဂ်ာင္ကုိသာ ေခၚယူသြားခဲ႔ပါတယ္။ ဒါေပမယ့္ ရာဘီေအာ့ကုိ ဥေရာပအသင္းေပါင္းမ်ားစြာက ပစ္မွတ္ထားေနဆဲျဖစ္ၿပီး ဒဏ္ရာရ ကစားသမားေတြ မ်ားျပားေနသလုိ ခ်န္ပီယံလိဂ္ဝင္ခြင့္ကုိလည္း ခုိင္ခုိင္မာမာ ရယူထားဖုိ႔ လုိအပ္ေနတဲ႔ စပါးအသင္းက ရာဘီေအာ့ကုိ အလုိရွိဆုံးျဖစ္ေနၿပီး ေပါင္သန္း၂၀ဝန္းက်င္နဲ႔ ကမ္းလွမ္းသြားဖြယ္ ရွိေနပါတယ္။

ပီအက္စ္ဂ်ီအသင္းဟာ အရင္ကတည္းက သူတုိ႔ရဲ႕ကစားသမားေဟာင္း လူးကပ္ေမာ္ရာကုိ စပါးအသင္းဆီ ေရာင္းခ်ခဲ႔ဖူးသလုိ အခု ရာဘီေအာ့အတြက္ စပါးအသင္းဘက္ကေန ကမ္းလွမ္းလာမယ့္ ေျပာင္းေရႊ႕ေၾကးကလည္း သူတုိ႔စိတ္တုိင္းက် ပမာဏာေလာက္ ျဖစ္ေနတယ္ဆုိေပမယ့္လည္း ရာဘီေအာ့ေနရာအတြက္ သူတုိ႔ပစ္မွတ္ထားထားတဲ႔ အဲဗာတန္ကြင္းလယ္လူ ဂါနာဂူရီကုိ အရေခၚယူႏုိင္မွသာ ရာဘီေအာ့ကုိ လက္လြတ္မွာျဖစ္လုိ႔ ဒီေစ်းကြက္အတြင္း စပါးတုိ႔ ရာဘီေအာ့ကုိ ေခၚယူဖုိ႔က ခက္ခဲေကာင္း ခက္ခဲႏုိင္ပါတယ္။

(Unicode)

လက်ရှိမှာ ဟယ်ရီကိန်း ဒယ်လီအလီတို့လို အဓိက ကစားသမားတွေ ဒဏ်ရာရနေသလို ဒမ်ဘီလီကလည်း တရုတ်ကိုပြောင်းရွှေ့သွားလို့ ကစားသမားပိုင်းမှာ အားနည်းနေတဲ့ တော့တင်ဟမ်စပါးအသင်းဟာ ဆောင်းရာသီ အပြောင်းအရွှေ့စျေးကွက် မပိတ်သိမ်းခင် ရက်ပိုင်းအလိုမှာ ပီအက်စ်ဂျီအသင်းရဲ့ ကွင်းလယ်လူ အက်ဒရီယန်ရာဘီအော့ကို ပေါင်သန်း၂၀လောက်နဲ့ ကမ်းလှမ်းသွားတော့မယ်လို့ သိရှိရပါတယ်

အသက် ၂၃နှစ်အရွှယ် ပြင်သစ်ကွင်းလယ်ကစားသမားလေး ရာဘီအော့ဟာ ရာသီကုန်ရင် အသင်းနဲ့ စာချုပ်သက်တမ်း ကုန်ဆုံးတော့မှာဖြစ်သလို အသင်းဘက်ကနေ ကမ်းလှမ်းထားတဲ့ စာချုပ်သက်တမ်းတိုးမယ့် ကိစ္စကိုလည်း ငြင်းဆန်ထားခဲ့သူဖြစ်ပါတယ်။ ပီအက်စ်ဂျီနည်းပြ သောမတ်တူချယ်ကတော့ ရာဘီအော့ကို ယူ-၂၃အသင်းနဲ့ပင် လေ့ကျင့်ခန်းဆင်းခိုင်းထားခဲ့တာကြောင့် ရာဘီအော့နဲ့ ပီအက်စ်ဂျီအသင်းတို့ရဲ့ အခြေအနေက အဆိုးဆုံးကို ရောက်ရှိနေပြီး ဒီစျေးကွက်အတွင်းမှာ အသင်းကနေ အပြီးသတ်ရောင်းချသွားချင်နေတာဖြစ်ပါတယ်။

ရာဘီအော့ကို ဘာစီလိုနာအသင်းကနေ ပထမဆုံး ကမ်းလှမ်းခဲ့တာဖြစ်ပေမယ့်လည်း အဆင်မပြေခဲ့လို့ အခုဆိုရင် ဘာစီလိုနာက အေဂျက်စ်ကွင်းလယ်ကစားသမား ဖရန်ကီဒီဂျောင်ကိုသာ ခေါ်ယူသွားခဲ့ပါတယ်။ ဒါပေမယ့် ရာဘီအော့ကို ဥရောပအသင်းပေါင်းများစွာက ပစ်မှတ်ထားနေဆဲဖြစ်ပြီး ဒဏ်ရာရ ကစားသမားတွေ များပြားနေသလို ချန်ပီယံလိဂ်ဝင်ခွင့်ကိုလည်း ခိုင်ခိုင်မာမာ ရယူထားဖို့ လိုအပ်နေတဲ့ စပါးအသင်းက ရာဘီအော့ကို အလိုရှိဆုံးဖြစ်နေပြီး ပေါင်သန်း၂၀ဝန်းကျင်နဲ့ ကမ်းလှမ်းသွားဖွယ် ရှိနေပါတယ်။

ပီအက်စ်ဂျီအသင်းဟာ အရင်ကတည်းက သူတို့ရဲ့ကစားသမားဟောင်း လူးကပ်မော်ရာကို စပါးအသင်းဆီ ရောင်းချခဲ့ဖူးသလို အခု ရာဘီအော့အတွက် စပါးအသင်းဘက်ကနေ ကမ်းလှမ်းလာမယ့် ပြောင်းရွှေ့ကြေးကလည်း သူတို့စိတ်တိုင်းကျ ပမာဏာလောက် ဖြစ်နေတယ်ဆိုပေမယ့်လည်း ရာဘီအော့နေရာအတွက် သူတို့ပစ်မှတ်ထားထားတဲ့ အဲဗာတန်ကွင်းလယ်လူ ဂါနာဂူရီကို အရခေါ်ယူနိုင်မှသာ ရာဘီအော့ကို လက်လွတ်မှာဖြစ်လို့ ဒီစျေးကွက်အတွင်း စပါးတို့ ရာဘီအော့ကို ခေါ်ယူဖို့က ခက်ခဲကောင်း ခက်ခဲနိုင်ပါတယ်။