ၿပီးခဲ႔တဲ႔ရက္ပုိင္းက က်င္းပသြားခဲ႔တဲ႔ ျမန္မာယူ-၂၂အသင္းနဲ႔ အင္ဒုိနီးရွားယူ-၂၂အသင္းတုိ႔ရဲ႕ ၂၀၁၉ ဆီးဂိမ္းအမ်ိဳးသားေဘာလုံးၿပိဳင္ပြဲရဲ႕ဆီမီးဖုိင္နယ္ပြဲစဥ္အတြင္းမွာ အင္ဒုိအသင္းရဲ႕၂ဂုိးသြင္းယူထားမႈအေပၚ ဒုတိယပုိင္းပြဲကစားခ်ိန္အတြင္းမွာပဲ ျပန္လည္ေခ်ပႏုိင္ခဲ႔ေပမယ့္လည္း အခ်ိန္ပုိဆက္လက္ကစားရာမွာေတာ့ သြင္းဂုိးေတြ ျပန္လည္ခြင့္ျပဳခဲ႔ရၿပီး တတိယေနရာလုပြဲဆီကုိသာ ေရာက္ရွိလာခဲ႔ရတဲ႔ ျမန္မာယူ-၂၂အသင္းဟာ ဒီေန႔မွာေတာ့ အုပ္စုအတြင္း ၿပိဳင္ဘက္ေဟာင္း ကေမာၻဒီယားယူ-၂၂အသင္း တတိယေနရာလုပြဲ ဆင္ႏြဲခဲ႔ရာ မိနစ္၉၀အတြင္း တစ္ဖက္ကုိ ၂ဂုိးစီသေရက်ခဲ႔လုိ႔ ပင္နယ္တီအဆုံးအျဖတ္ခံယူခဲ႔ရၿပီး ပင္နယ္တီမွာ ၅ဂုိး၄ဂုိးနဲ႔ ျမန္မာတုိ႔ တတိယေနရာကုိ ပုိင္ဆုိင္ႏုိင္ခဲ႔ရပါတယ္။

တတိယေနရာလုပြဲဆုိေပမယ့္လည္း ေၾကးတံဆိပ္ကိုေတာ့ ပုိင္ဆုိင္ႏုိင္ရဖုိ႔အတြက္ အသင္းႏွစ္သင္းလုံးက အႀကိတ္အနယ္ ရင္ဆုိင္ကစားခဲ႔ၾကၿပီး အုပ္စုပြဲစဥ္တုန္းကလုိပဲ ပြဲေကာင္းတစ္ပြဲအသြင္ေဆာင္ႏုိင္ခဲ႔ပါတယ္။ ကေမာၻဒီယားအသင္က ပြဲအစပုိင္းေလးမွာပဲ ျမန္မာအသင္းဘက္ကုိ စတင္ဦးေဆာင္ႏုိင္ခဲ႔တယ္ဆုိေပမယ့္ ျမန္မာယူ-၂၂အသင္းကေတာ့ ပထမပုိင္းတစ္ပုိင္းလုံးကုိ ကေမာၻဒီးယားထက္ ပုိမုိေကာင္းမြန္ေအာင္ ကစားႏုိင္ခဲ႔သလုိ ေအာင္ေကာင္းမာန္က ေခ်ပဂုိးနဲ႔ ျမတ္ေကာင္းခန္႔က ဦးေဆာင္ဂုိးေတြကုိ ၉မိနစ္နဲ႔ ၃၅မိနစ္ေတြမွာ အသီးသီးရယူႏုိင္ခဲ႔ပါတယ္။

ဒါေပမယ့္ ဒုတိယပုိင္းမွာ ျမန္မာအသင္းရဲ႕ကစားအားက်ဆင္းလာမႈကုိ ကေမာၻဒီးယားဘက္ကေန အခြင့္ေကာင္းရယူနုိင္ခဲ႔ၿပီး ၇၁မိနစ္မွာပဲ အသင္းအတြက္ လုိအပ္ေနတဲ႔ ေခ်ပဂုိးကုိ ျပန္လည္သြင္းယူႏုိင္ခဲ႔တာ တစ္ဖက္ကုိ၂ဂုိးစီနဲ႔ သေရက်သြားခဲ႔တာေၾကာင့္ အခ်ိန္ပုိဆက္ကစားဖုိ႔ စီစဥ္ခဲ႔ေပမယ့္လည္း ဗုိလ္လုပြဲအတြက္ အခ်ိန္နီးကပ္ေနၿပီျဖစ္တာေၾကာင့္ တစ္ခါတည္း ပင္နယ္တီအဆုံးအျဖတ္ ခံယူဖုိ႔ကုိသာ ဆုံးျဖတ္လုိက္ရာ ျမန္မာယူ-၂၂အသင္းက ပင္နယ္တီကန္ခ်က္ ၅ႀကိမ္လုံးကုိ ဝင္ေအာင္ကန္သြင္းႏုိင္ခဲ႔ေပမယ့္ ကေမာၻဒီးယားအသင္းေခါင္းေဆာင္ရဲ႕၅ႀကိမ္ေျမာက္ပင္နယ္တီဂုိး တုိင္ထိထြက္သြားတာေၾကာင့္ ျမန္မာယူ-၂၂အသင္းမွာ ေၾကးတံဆိပ္ဆုကုိ ပုိင္ဆုိင္ႏုိင္ခဲ႔ရပါတယ္။

(Unicode)

ပင်နယ်တီအဆုံးအဖြတ် ခံယူပြီးမှ တတိယနေရာကို ပိုင်ဆိုင်နိုင်ခဲ့တဲ့ မြန်မာယူ-၂၂အသင်း

ပြီးခဲ့တဲ့ရက်ပိုင်းက ကျင်းပသွားခဲ့တဲ့ မြန်မာယူ-၂၂အသင်းနဲ့ အင်ဒိုနီးရှားယူ-၂၂အသင်းတို့ရဲ့ ၂၀၁၉ ဆီးဂိမ်းအမျိုးသားဘောလုံးပြိုင်ပွဲရဲ့ဆီမီးဖိုင်နယ်ပွဲစဉ်အတွင်းမှာ အင်ဒိုအသင်းရဲ့၂ဂိုးသွင်းယူထားမှုအပေါ် ဒုတိယပိုင်းပွဲကစားချိန်အတွင်းမှာပဲ ပြန်လည်ချေပနိုင်ခဲ့ပေမယ့်လည်း အချိန်ပိုဆက်လက်ကစားရာမှာတော့ သွင်းဂိုးတွေ ပြန်လည်ခွင့်ပြုခဲ့ရပြီး တတိယနေရာလုပွဲဆီကိုသာ ရောက်ရှိလာခဲ့ရတဲ့ မြန်မာယူ-၂၂အသင်းဟာ ဒီနေ့မှာတော့ အုပ်စုအတွင်း ပြိုင်ဘက်ဟောင်း ကမ္ဘောဒီယားယူ-၂၂အသင်း တတိယနေရာလုပွဲ ဆင်နွဲခဲ့ရာ မိနစ်၉၀အတွင်း တစ်ဖက်ကို ၂ဂိုးစီသရေကျခဲ့လို့ ပင်နယ်တီအဆုံးအဖြတ်ခံယူခဲ့ရပြီး ပင်နယ်တီမှာ ၅ဂိုး၄ဂိုးနဲ့ မြန်မာတို့ တတိယနေရာကို ပိုင်ဆိုင်နိုင်ခဲ့ရပါတယ်။

တတိယနေရာလုပွဲဆိုပေမယ့်လည်း ကြေးတံဆိပ်ကိုတော့ ပိုင်ဆိုင်နိုင်ရဖို့အတွက် အသင်းနှစ်သင်းလုံးက အကြိတ်အနယ် ရင်ဆိုင်ကစားခဲ့ကြပြီး အုပ်စုပွဲစဉ်တုန်းကလိုပဲ ပွဲကောင်းတစ်ပွဲအသွင်ဆောင်နိုင်ခဲ့ပါတယ်။ ကမ္ဘောဒီယားအသင်က ပွဲအစပိုင်းလေးမှာပဲ မြန်မာအသင်းဘက်ကို စတင်ဦးဆောင်နိုင်ခဲ့တယ်ဆိုပေမယ့် မြန်မာယူ-၂၂အသင်းကတော့ ပထမပိုင်းတစ်ပိုင်းလုံးကို ကမ္ဘောဒီးယားထက် ပိုမိုကောင်းမွန်အောင် ကစားနိုင်ခဲ့သလို အောင်ကောင်းမာန်က ချေပဂိုးနဲ့ မြတ်ကောင်းခန့်က ဦးဆောင်ဂိုးတွေကို ၉မိနစ်နဲ့ ၃၅မိနစ်တွေမှာ အသီးသီးရယူနိုင်ခဲ့ပါတယ်။

ဒါပေမယ့် ဒုတိယပိုင်းမှာ မြန်မာအသင်းရဲ့ကစားအားကျဆင်းလာမှုကို ကမ္ဘောဒီးယားဘက်ကနေ အခွင့်ကောင်းရယူနိုင်ခဲ့ပြီး ရ၁မိနစ်မှာပဲ အသင်းအတွက် လိုအပ်နေတဲ့ ချေပဂိုးကို ပြန်လည်သွင်းယူနိုင်ခဲ့တာ တစ်ဖက်ကို၂ဂိုးစီနဲ့ သရေကျသွားခဲ့တာကြောင့် အချိန်ပိုဆက်ကစားဖို့ စီစဉ်ခဲ့ပေမယ့်လည်း ဗိုလ်လုပွဲအတွက် အချိန်နီးကပ်နေပြီဖြစ်တာကြောင့် တစ်ခါတည်း ပင်နယ်တီအဆုံးအဖြတ် ခံယူဖို့ကိုသာ ဆုံးဖြတ်လိုက်ရာ မြန်မာယူ-၂၂အသင်းက ပင်နယ်တီကန်ချက် ၅ကြိမ်လုံးကို ဝင်အောင်ကန်သွင်းနိုင်ခဲ့ပေမယ့် ကမ္ဘောဒီးယားအသင်းခေါင်းဆောင်ရဲ့၅ကြိမ်မြောက်ပင်နယ်တီဂိုး တိုင်ထိထွက်သွားတာကြောင့် မြန်မာယူ-၂၂အသင်းမှာ ကြေးတံဆိပ်ဆုကို ပိုင်ဆိုင်နိုင်ခဲ့ရပါတယ်။