ဒီနှစ်ဘောလုံးရာသီမှာ အကောင်းဆုံးပုံစံ ပြသနေတဲ့ အာဆင်နယ်အသင်းမှာ ခြေစွမ်းပြနေသူတစ်ဦးဖြစ်တဲ့ ဂါဘရီရယ်မာတင်နယ်လီဟာ သူရဲ့ အသက်မွေးဝမ်းကြောင်း အလုပ်ဖြစ်တဲ့ ဘောလုံးသမားအလုပ်မှာ အခြေအနေကောင်းတစ်ခုကို ပုံဖော်ထားနိုင်ခဲ့သလို မေတ္တာရေးဘက်မှာလည်း သူ လက်ရှိပါဝင်ကစားနေတဲ့ အာဆင်နယ်အသင်းမှ အားပေးနေတဲ့ အမျိုးသမီးလေးတစ်ဦးနဲ့ မေတ္တာမျှနေရပါတယ်။
အသက်(၂၁)နှစ်အရွယ်သာ ရှိနေတဲ့ ဘရာဇီးလ်သားလေး မာတင်နယ်လီက သူနဲ့ သက်တူရွယ်တူ အမျိုးသမီးလေး အစ္စဘယ်လာရူဆိုနဲ့ ချစ်ကျွမ်းဝင်နေခဲ့ပါတယ်။ ဆေးပညာကို သင်ကြားနေတဲ့ ရူဆိုက မာတင်နယ်လီ ပါဝင်ကစားနေတဲ့ အာဆင်နယ်အသင်းကို အားပေးလာခဲ့တဲ့ ပရိသတ်တစ်ဦး ဖြစ်သလို မာတင်နယ်လီနဲ့ တစ်နိုင်ငံတည်းသားတွေလည်း ဖြစ်နေရပါတယ်။ ရူဆိုက မာတင်နယ်လီနဲ့ ချစ်ကြိုက်ပြီးနောက်မှာတော့ အမ်းမရိတ်ဒ်ကွင်းမှာ အာဆင်နယ်ပွဲစဉ်တွေကို သွားရောက်အားပေးတိုင်း သူ့ချစ်သူ နာမည်ပါတဲ့ အာဆင်နယ်ဂျာစီကို ဝတ်ဆင်ပြီး အသင်းကိုရော မာတင်နယ်လီကိုပါ အပီအပြင် အားပေးတတ်သူလည်း ဖြစ်ပါတယ်။
ဒီစုံတွဲက ဘယ်အချိန်မှာ စတင်ဆုံတွေ့ပြီး ချစ်ကြိုက်သွားလည်းဆိုတာ အတိအကျ မသိရသေးပေမယ့် ချစ်သူသက်တမ်းကတော့ တစ်နှစ်မပြည့်လောက်သေးဘူးလို့ ယူဆနေကြလျက် ရှိပါတယ်။ မာတင်နယ်လီနဲ့ အလွန်လိုက်ဖက်နေတဲ့ ဘရာဇီးလ်သူလေး အစ္စဘယ်လာရူဆိုရဲ့ အလွန်ဆွဲဆောင်မှုရှိတဲ့ ဓါတ်ပုံတွေကိုလည်း စုစည်းဖော်ပြပေးလိုက်ပါတယ်။
Photos from The Sun
