မီလန်ဘားရိုစ့်ကို တချို့လီဗာပူးလ်ပရိသတ်တွေက သိကြတော့မယ် မထင်ပါဘူး။ လွန်ခဲ့တဲ့ ၁၀နှစ်ကျော်ကတည်းက လီဗာပူးလ်တိုက်စစ်မှာ ကျင်လည်ခဲဲ့ဖူးတဲဲ့ ဘားရိုစ့်က ကလပ်အသင်းနဲ့ ချက်လက်ရွေးစင်အသင်းတွေမှာ တကယ့်ကိုခြေစွမ်းကောင်းတွေ ပြသနိုင်ခဲဲ့သူဖြစ်သလို ၂၀၀၅ခုနှစ်က တူရကီနိုင်ငံမှာ အစ္စတန်ဘူလ်မှာ ကျင်းပခဲ့တဲဲ့ ချန်ပီယံလိဂ်ဖိုင်နယ်မှာလည်း လီဗာပူးလ်အသင်းနဲဲ့အတူ ပါဝင်ဆင်နွဲခဲ့ရင်းနဲဲ့ ဖလားရယူနိုင်ခဲ့သူဖြစ်ပါတယ်။ အခုလည်း ဒီကစားသမားကြီးဟာ ဘောလုံးသမားဘဝကနေ အနားမယူသေးပဲ တူရကီမြေမှာ ဘောလုံးသမားဘဝကို ဆက်လက်ဖြတ်သန်းဖွယ် ရှိလို့နေပါတယ်။

Photo Credit : Liverpool Echo

အသက်၃၈နှစ်အရွှယ်တော် ရောက်ရှိလို့နေပြီဖြစ်တဲ့ ဝါရင့်တိုက်စစ်ကစားသမားကြီး ဘားရိုစ့်က လက်ရှိ သူရဲ့အမိမြေက ကလပ်အသင်း Banik Ostrava အသင်းမှာ ပါဝင်ကစားနေတာဖြစ်ပြီး တူရကီကလပ် ဘာယာစပေါ့အသင်းကို ပြောင်းရွှေ့ဖို့ ပြင်ဆင်နေကာ မကြာခင်မှာပဲ အပြောင်းအရွှေ့ကို အပြီးသတ်နိုင်ဖွယ်ရှိနေပါတယ်။ မီလန်ဘားရိုစ့်က ဂါလာတာစာရေး အန်တယ်ယာစပေါ့တို့လို အသင်းတွေနဲ့အတူ တူရကီမြေမှာ နှစ်ပေါင်းများစွာ ကျင်လည်ခဲ့ဖူးပြီး ဂါလာတာစာရေးအသင်းနဲ့အတူ ၂၀၁၁-၂၀၁၂ ဘောလုံးရာသီအတွင်းမှာ တူရကီအမှတ်ပေးလိဂ်ဖလားကို ပိုင်ဆိုင်နိုင်ခဲဲ့ပါတယ်။

Photo Credit : Football Deluxe

ချက်လက်ရွေးစင်ဟောင်း တိုက်စစ်ကစားသမားကြီး ဘားရိုစ့်က ၂၀၀၂ခုနှစ်ကမှ ချက်ကလပ်ကနေ လီဗာပူးလ်အသင်းဆီကို ပြောင်းရွှေ့လာခဲ့တာဖြစ်ပြီး လီဗာပူးလ်အသင်းနဲဲ့အတူ လိဂ်ဖလားအပြင် ၂၀၀၅ခုနှစ်မှာ တူရကီမြေမှာ ကစားခဲ့တဲ့ ချန်ပီယံလိဂ်ဗိုလ်လုပွဲမှာလည်း အသင်းနဲ့ ဆုဖလားကြီးကို သိမ်းပိုက်ရယူနိုင်ခဲ့ပါတယ်။ လီဗာပူးလ်အသင်းနဲ့ လမ်းခွဲပြီးတဲ့နောက်မှာ ဘားရိုစ့်က အက်စတွန်ဗီလာ ပို့စ်မောက် လိုင်ယွန် ဂါလာတာစာရေးတို့လို အသင်းတွေနဲ့ ဆက်လက်ပူးပေါင်းဖြစ်ခဲ့ကာ အက်အေဖလား ပြင်သစ်လီဂူးဖလားတွေကို ပိုင်ဆိုင်နိုင်ခဲဲ့ရပါတယ်။ အဆုံးသတ်ကောင်းမွန်းလှတဲ့ ဘားရိုစ့်ဟာ ချက်လက်ရွေးစင်အသင်းနဲ့အတူ ၂၀၀၄ခုနှစ် ပေါ်တူဂီ ယူရိုဖလားပြိုင်ပွဲမှာ သွင်းဂိုး၅ဂိုးအထိ သွင်းယူနိုင်ခဲ့ပြီး ရွှေဖိနပ်ဆုကို ပိုင်ဆိုင်နိုင်ခဲ့သလို ချက်အသင်းကိုလည်း ဆီမီးဖိုင်နယ်အဆင့်ထိ ပို့ဆောင်နိုင်ခဲ့တာဖြစ်ပါတယ်။

(Zawgyi)

ေဘာလုံးသမားဘဝက အနားယူဖုိ႔ အစီအစဥ္မရွိေသးတဲဲ႔ လီဗာပူးလ္ တုိက္စစ္မွဴးေဟာင္းႀကီး

 မီလန္ဘားရုိစ့္ကုိ တခ်ိဳ႕လီဗာပူးလ္ပရိသတ္ေတြက သိၾကေတာ့မယ္ မထင္ပါဘူး။ လြန္ခဲ႔တဲ႔ ၁၀ႏွစ္ေက်ာ္ကတည္းက လီဗာပူးလ္တုိက္စစ္မွာ က်င္လည္ခဲဲ႔ဖူးတဲဲ႔ ဘားရုိစ့္က ကလပ္အသင္းနဲ႔ ခ်က္လက္ေရြးစင္အသင္းေတြမွာ တကယ့္ကုိေျခစြမ္းေကာင္းေတြ ျပသႏုိင္ခဲဲ႔သူျဖစ္သလုိ ၂၀၀၅ခုႏွစ္က တူရကီႏုိင္ငံမွာ အစၥတန္ဘူလ္မွာ က်င္းပခဲ႔တဲဲ႔ ခ်န္ပီယံလိဂ္ဖုိင္နယ္မွာလည္း လီဗာပူးလ္အသင္းနဲဲ႔အတူ ပါဝင္ဆင္ႏြဲခဲ႔ရင္းနဲဲ႔ ဖလားရယူႏုိင္ခဲ႔သူျဖစ္ပါတယ္။ အခုလည္း ဒီကစားသမားႀကီးဟာ ေဘာလုံးသမားဘဝကေန အနားမယူေသးပဲ တူရကီေျမမွာ ေဘာလုံးသမားဘဝကုိ ဆက္လက္ျဖတ္သန္းဖြယ္ ရွိလုိ႔ေနပါတယ္။

Photo Credit : Liverpool Echo

အသက္၃၈ႏွစ္အရႊယ္ေတာ္ ေရာက္ရွိလုိ႔ေနၿပီျဖစ္တဲ႔ ဝါရင့္တုိက္စစ္ကစားသမားႀကီး ဘားရုိစ့္က လက္ရွိ သူရဲ႕အမိေျမက ကလပ္အသင္း Banik Ostrava အသင္းမွာ ပါဝင္ကစားေနတာျဖစ္ၿပီး တူရကီကလပ္ ဘာယာစေပါ့အသင္းကုိ ေျပာင္းေရႊ႕ဖုိ႔ ျပင္ဆင္ေနကာ မၾကာခင္မွာပဲ အေျပာင္းအေရႊ႕ကုိ အၿပီးသတ္ႏုိင္ဖြယ္ရွိေနပါတယ္။ မီလန္ဘားရုိစ့္က ဂါလာတာစာေရး အန္တယ္ယာစေပါ့တုိ႔လုိ အသင္းေတြနဲ႔အတူ တူရကီေျမမွာ ႏွစ္ေပါင္းမ်ားစြာ က်င္လည္ခဲ႔ဖူးၿပီး ဂါလာတာစာေရးအသင္းနဲ႔အတူ ၂၀၁၁-၂၀၁၂ ေဘာလုံးရာသီအတြင္းမွာ တူရကီအမွတ္ေပးလိဂ္ဖလားကုိ ပုိင္ဆုိင္ႏုိင္ခဲဲ႔ပါတယ္။

Photo Credit : Football Deluxe

ခ်က္လက္ေရြးစင္ေဟာင္း တုိက္စစ္ကစားသမားႀကီး ဘားရုိစ့္က ၂၀၀၂ခုႏွစ္ကမွ ခ်က္ကလပ္ကေန လီဗာပူးလ္အသင္းဆီကုိ ေျပာင္းေရႊ႕လာခဲ႔တာျဖစ္ၿပီး လီဗာပူးလ္အသင္းနဲဲ႔အတူ လိဂ္ဖလားအျပင္ ၂၀၀၅ခုႏွစ္မွာ တူရကီေျမမွာ ကစားခဲ့တဲ႔ ခ်န္ပီယံလိဂ္ဗုိလ္လုပြဲမွာလည္း အသင္းနဲ႔ ဆုဖလားႀကီးကုိ သိမ္းပုိက္ရယူႏုိင္ခဲ႔ပါတယ္။ လီဗာပူးလ္အသင္းနဲ႔ လမ္းခြဲၿပီးတဲ႔ေနာက္မွာ ဘားရုိစ့္က အက္စတြန္ဗီလာ ပုိ႔စ္ေမာက္ လုိင္ယြန္ ဂါလာတာစာေရးတုိ႔လုိ အသင္းေတြနဲ႔ ဆက္လက္ပူးေပါင္းျဖစ္ခဲ႔ကာ အက္ေအဖလား ျပင္သစ္လီဂူးဖလားေတြကုိ ပုိင္ဆုိင္ႏုိင္ခဲဲ႔ရပါတယ္။ အဆုံးသတ္ေကာင္းမြန္းလွတဲ႔ ဘားရုိစ့္ဟာ ခ်က္လက္ေရြးစင္အသင္းနဲ႔အတူ ၂၀၀၄ခုႏွစ္ ေပၚတူဂီ ယူရုိဖလားၿပိဳင္ပြဲမွာ သြင္းဂုိး၅ဂုိးအထိ သြင္းယူႏုိင္ခဲ႔ၿပီး ေရႊဖိနပ္ဆုကုိ ပုိင္ဆုိင္ႏုိင္ခဲ႔သလုိ ခ်က္အသင္းကုိလည္း ဆီမီးဖုိင္နယ္အဆင့္ထိ ပုိ႔ေဆာင္ႏုိင္ခဲ႔တာျဖစ္ပါတယ္။