MySport Myanmar

ဆွန်ဟောင်မင်နဲ့ ဘိုင်ယန်အသင်းမှာပါ တွဲဖက်ကစားချင်နေတဲ့ ဟယ်ရီကိန်း

ဘိုင်ယန်မြူးနစ်အသင်းရဲ့ အင်္ဂလန် တိုက်စစ်ကစားသမား ဟယ်ရီကိန်းက သူနဲ့အတူ အသင်းဟောင်း တော့တင်ဟမ် ဟော့စပါးမှာ အတွဲညီညီ တွဲဖက်ကစားခဲ့ဖူးတဲ့ အသင်းဖော်ဟောင်း ဆွန်ဟောင်မင်ကို ဘိုင်ယန်မြူးနစ်အသင်းဆီ ရောက်လာချင်စေတယ်လို့ ဖွင့်ဟ ပြောကြားသွားခဲ့ပါတယ်။

ဟယ်ရီကိန်းနဲ့ ဆွန်ဟောင်မင်တို့ တိုက်စစ်အတွဲအဖက်ဟာ စပါးအသင်းမှာ အတော်လေး စွမ်းဆောင်ရည်ကောင်းတွေ ပြသနိုင်ခဲ့ကြပြီး စပါးအတွက်ကိုလည်း နှစ်ဦးပေါင်း သွင်းဂိုးအမြောက်အများ သွင်းယူပေးနိုင်ခဲ့ကြပါတယ်။ ကိန်းနဲ့ဆွန်တို့ duo က ၂၀၁၅ကနေ ၂၀၂၄ခုနှစ်အထိတောင် အတွဲညီညီ တွဲဖက်ကစားဖြစ်ခဲ့ပါတယ်။

Photo Credit : Goal

ပြီးခဲ့တဲ့ ၂၀၂၄ နွေမှာတော့ ဟယ်ရီကိန်းက စပါးကနေ ဘိုင်ယန်အသင်းဆီ ပြောင်းရွှေ့ခဲ့ပြီး သူရဲ့ ဘိုင်ယန်ကစားသမား ပွဲဦးထွက်ရာသီမှာ ဂိုးပေါင်းများစွာ သွင်းယူနိုင်ခဲ့ပေမယ့် ဖလားလက်မဲ့သာ ဖြစ်ခဲ့ရပါတယ်။ အခုတော့ ကိန်းက ဘိုင်ယန်နဲ့ ဒုတိယရာသီကို ဖြတ်သန်းနေသလို သူ့အသင်းဖော်ဟောင်း ဆွန်ကလည်း စပါးနဲ့ စာချုပ်နောက်ဆုံးနှစ်ကို ရောက်နေပြီ ဖြစ်ပါတယ်။

စပါးက ကိန်းကို လက်လွတ်ရပြီးနောက် လာမယ့် ၂၀၂၅နွေမှာလည်း ဆွန်ဟောင်မင်ကိုပါ ဆုံးရှုံးရဖို့ ရှိနေပြီး ဆွန်ဟောင်မင်ကလည်း လက်ရှိမှာဆိုရင် စပါးကစားသမားဘဝအဖြစ် ဖြတ်သန်းနေတာက ဆယ်စုနှစ်တစ်ခုထိတောင် ရှိနေခဲ့ပြီ ဖြစ်ပါတယ်။ လာမယ့်နွေမှာ စပါးနဲ့ စာချုပ်ကုန်ဆုံးတော့မယ့် ဆွန်ကို သူ့ဘော်ဒါဟောင်းကြီး ကိန်းက ဘိုင်ယန်ဆီ ရောက်လာစေချင်နေပါတယ်။

Photo Credit : Goal

ဟယ်ရီကိန်းက ဘိုင်ယန်မြူးနစ်အသင်းရဲ့ အသင်းပရိသတ်များ တွေ့ဆုံပွဲဆီ တက်ရောက်လာရင်း ပရိသတ်တွေက ကိန်းကို အသင်းအတွက် ခေါ်ယူချင်တဲ့ dream signing အကြောင်း မေးမြန်းလာခဲ့ရာ ကိန်းက ဆွန်နီလို့ ပြောဆိုသွားခဲ့ပါတယ်။

တကယ်လို့ ဆွန်ဟောင်မင်သာ စပါးနဲ့ စာချုပ်သက်တမ်း မတိုးဖြစ်ရင် ဒါမှမဟုတ် စာချုပ်ပါ အချက်အလက်အရ တစ်နှစ်သက်တမ်းတိုးခွင့်ကိုလည်း မရွေးချယ်ခဲ့ဘူးဆိုရင် ဘိုင်ယန်မြူးနစ်က ဆွန်ကို အလွတ်ပြောင်းရွှေ့ကြေးနဲ့ ခေါ်ယူနိုင်မှာဖြစ်ပြီး ဆွန်လို ဘောလုံး အတွေ့အကြုံကောင်းတွေ ကြွယ်ဝနေတဲ့ အာရှကြယ်ပွင့်တစ်ဦးကိုလည်း ကလပ်တိုင်းက အလွတ်နဲ့ အပြိုင် ခေါ်ယူချင်ကြမှာ သေချာပါတယ်။

Exit mobile version