မနေ့ညက အီတီဟတ်မှာ ကစားသွားခဲ့တဲ့ မန်ချက်စတာ စီးတီးနဲ့ လီဗာပူးလ်တို့ ပွဲစဉ်အတွင်း အိမ်ရှင်စီးတီးက လီဗာပူးလ်ကို ရှုံးနိမ့်ခဲ့ပေမယ့်လည်း စီးတီးနည်းပြ ပပ် ဂွါဒီယိုလာကတော့ သူ့အသင်းရဲ့စွမ်းဆောင်ရည်တွေကိုကို ထူးဆန်းစွာ ချီးကျူးခဲ့ပါတယ်။
လီဗာပူးလ်ဟာ မိုဟာမက် ဆာလာနဲ့ ဒိုမီနစ် ဆိုဘော့ဇလိုင်တို့ရဲ့ ပထမပိုင်းဂိုးတွေနဲ့ ပရီးမီးယားလိဂ် ချန်ပီယံဟောင်းတွေကို (၂)ဂိုးပြတ်နဲ့ သက်တောင့်သက်သာ အနိုင်ရရှိခဲ့ပြီး အမှတ်ပေးဇယားမှာ ဒုတိယနေရာက အာဆင်နယ်ကိုပါ (၁၁)မှတ်အထိ ဖြတ်တောက်နိုင်ခဲ့ပါတယ်။ ဒီပွဲမှာ ရူဘင် ဒီယက်စ်၊ ဘာနာဒို ဆေးလ်ဗားနဲ့ အီလ်ကေး ဂွန်ဒိုဂန်တို့ဟာ အရန်စာရင်းမှာသာ ပါဝင်လာခဲ့ပြီး အာလင်း ဟာလန်းဟာ ဒူးဒဏ်ရာကြောင့် ပွဲကို လွဲချော်ခဲ့ရပါတယ်။
Photo Credit : BBC
အဓိက ကစားသမားတချို့ မပါဝင်လာနိုင်တဲ့ မန်စီးတီးအသင်းဟာ ပရီးမီးယားလိဂ်ဖလားနဲ့ ပိုမိုနီးကပ်လာနေတဲ့ အာနေး စလော့ရဲ့ အသင်းသားတွေကို ယှဉ်ကစားနိုင်ခဲ့ခြင်း မရှိပေမယ့်လည်း နည်းပြ ဂွါဒီယိုလာကတော့ သူ့အသင်းကို ကာကွယ်ခဲ့ပြီး သာလွန်တဲ့ အသင်းကို ရင်ဆိုင်ရာမှာ လူငယ်တွေရဲ့ ခံနိုင်ရည်ကို ချီးကျူးခဲ့ပါတယ်။
သူက BBC ကို “သူတို့မှာ အမြဲတမ်း ခြိမ်းခြောက်မှု ရှိပေမယ့် ထိန်းချုပ်ဖို့ မလွယ်ပါဘူး။ ကျွန်တော်တို့ သူတို့ကို လျှော့ချခဲ့ပါတယ်။ ကျွန်တော်တို့ရဲ့ ဖိအားပေးမှု ဒါမှမဟုတ် တည်ဆောက်မှုကနေ အသင်းကို အဲဒီမှာ လျှော့ချခဲ့ပါတယ်။ ဒိုကူနဲ့ ဆာဗင်ညိုတို့က မယုံနိုင်လောက်စရာ ကစားခဲ့ပြီး နောက်ဆုံးစည်းအထိ အများကြီး ရောက်ခဲ့တယ်လို့ ထင်ပါတယ်။ ဒါပေမယ့် အဲဒီကနေပဲ မှော်ဆန်တဲ့ အရာကို လွဲချော်ခဲ့ပါတယ်။ ကျွန်တော်တို့ အရမ်းကောင်းကောင်း ကစားခဲ့လို့ နောင်တမရပါဘူး။ နောက်ဆုံးသုံးပုံတစ်ပုံမှာ အခွင့်အရေးတွေ၊ ကျွန်တော်တို့ ဂိုးသွင်းချင်ပြီး ဖြတ်တင်ဘောတွေ ပေးချင်တဲ့အခါ အဲဒီကို ရောက်ရှိခဲ့တဲ့ ပမာဏနဲ့ ကျွန်တော်တို့ အများကြီး မဖန်တီးနိုင်ခဲ့ပါဘူး။”
Photo Credit : The Independent
“ကျွန်တော် တောက်ပတဲ့ အနာဂတ်ကို မြင်ပါတယ်။ ဒီဘရိုင်းနဲ့ အကီတို့ကလွဲရင် သူတို့က လာမယ့်နှစ်တွေမှာ ဒီကလပ်ရဲ့ အနာဂတ်ပါ။ အနာဂတ် အပြောင်းအရွှေ့ကာလတွေမှာ ရောက်လာမယ့် အခြားသူတွေနဲ့အတူပါ။ ကစားသမား အများအပြား ဒီမှာ ကစားနေပေမယ့် ဟာလန်း ပြန်လာမယ်ဆိုတာ ကျွန်တော်တို့ သိပါတယ်။ ကျွန်တော်တို့မှာ အရေးကြီးတဲ့ ပျက်ကွက်မှုတွေ ရှိပါတယ်။ လူတိုင်း အရမ်း အရမ်း ကောင်းပါတယ်။ ပထမဂိုးက ထောင့်ကန်ဘောကနေပါ။”
“ဒါပေမယ့် ကျွန်တော်တို့ ကစားဖို့ ကြိုးစားခဲ့ပါတယ်။ ပြိုင်ဘက်က ဘယ်လိုကစားမလဲဆိုတာ ကျွန်တော် သိပါတယ်။ ဒုတိယပိုင်းမှာ သူတို့က ဂိုးဧရိယာထဲမှာ ကစားသမား (၁၁)ယာက် ရှိပါတယ်။ သူတို့ အဲဒီလို မလုပ်ချင်လို့ ကျွန်တော်တို့ ကောင်းကောင်း လုပ်ဆောင်ခဲ့ပါတယ်။ သူတို့ကို အကြီးအကျယ် ချီးကျူးပါတယ်။ ဒါပေမယ့် ကျွန်တော်တို့ ကစားခဲ့တဲ့ ပုံစံကို အရမ်း ကျေနပ်ပါတယ်။” လို့ ပြောကြားခဲ့ပါတယ်။ မန်စီးတီးဟာ ဗုဒ္ဓဟူးနေ့မှာ ပရီးမီးယားလိဂ်ပွဲစဉ်အဖြစ် မြောက်လန်ဒန်ကို သွားရောက်ပြီး တော့တင်ဟမ် ဟော့စပါးကို ရင်ဆိုင်ရချိန်မှာ အနိုင်ရရှိမှုလမ်းကြောင်းပေါ် ပြန်လည်ရောက်ရှိဖို့ ရည်ရွယ်ထားပါတယ်။
