ဒီေဆာင္းရာသီအေျပာင္းအေရႊ႕ေစ်းကြက္အတြင္းမွာ ေဘာလုံးပရိသတ္ေတြအတြက္ အလႈပ္ခတ္ဆုံးျဖစ္ေနရတဲ႔ မန္ခ်က္စတာယူႏုိက္တက္အသင္းနဲ႔ ေပၚတူဂီကစားသမားေလး ဘရူႏုိဖာနန္ဒက္စ္တုိ႔ရဲ႕ အေျပာင္းအေရႊ႕အေၾကာင္းကေတာ့ အခ်ိန္ကာလအားျဖင့္ ၁၀ရက္တာေလာက္အထိ ၾကာျမင့္ခဲ႔ေပမယ့္လည္း ဘေဘာတူညီမႈ ရယူႏုိင္ခဲ႔တယ္ဆုိတာနဲ႔ပဲ လမ္းဆုံးေနခဲ႔ရၿပီး ဒါကုိလည္း ယူႏုိက္တက္ပရိသတ္ေတြဘက္ကေနလည္း အားမလုိအားမရျဖစ္ေနရပါတယ္။ အခုလည္း ယူႏုိက္တက္ပရိသတ္ေတြကုိ စိတ္ပ်က္သြားေစမယ့္ သတင္းဆုိးတစ္ခုကလည္း ထြက္ေပၚလုိ႔လာခဲ႔ျပန္ပါတယ္။

Photo Credit : Getty Images

ေပၚတူဂီႏုိင္ငံသား ဝါရင့္သတင္းေထာက္တစ္ဦးရဲ႕ေထာက္လွမ္းထားမႈေတြအရ စပုိ႔တင္းလစၥဘြန္းအသင္းဟာ  သူတုိ႔ရဲ႕ကြင္းလယ္ကစားသမားအတြက္ ေျပာင္းေရႊ႕ေၾကးကုိ ယူႏုိက္တက္ဘက္ကေန ကမ္းလွမ္းထားတာထက္ ပုိမုိတုိးျမွင့္ေတာင္းဆုိလာခဲ႔လုိ႔ ဒါက ယူႏုိက္တက္ဘက္ကေန လက္မခံႏုိင္ပဲ အေျပာင္းအေရႊ႕က မျဖစ္လာႏုိင္ဖုိ႔ေတာင္ အေျခအေနမ်ားလာခဲ႔တယ္လုိ႔ သိရွိရပါတယ္။ အဆုိပါ သတင္းေထာက္ရဲ႕ေျပာျပခ်က္အရ ယူႏုိက္တက္အသင္းဟာ ဖာနန္ဒက္စ္အတြက္ ကနဦးအေျပာင္းအေရႊ႕အျဖစ္ ေပါင္၄၂သန္းနဲ႔သာ ကမ္းလွမ္းခ်င္ေနၿပီး ဒါဟာ စပုိ႔တင္းဘက္ကေန အလုိရွိေနတာနဲ႔ ေပါင္၁၃သန္းေလာက္အထိ ကြာဟလုိ႔ေနရပါတယ္။

Photo Credit : Getty Images

သတင္းေထာက္ Braz ဟာ ယူႏုိက္တက္နဲ႔ ဖာနန္ဒက္စ္တုိ႔ရဲ႕သတင္းေတြ စဥ္ဆက္မျပတ္ အၿမဲတင္ဆက္ေပးေနတဲ႔ သတင္းေထာက္ျဖစ္ၿပီးေတာ့ ယူႏုိက္တက္အသင္းက ဖာနန္ဒက္စ္အတြက္ ေျပာင္းေရႊ႕ေၾကးကုိ တုိးမေပးခ်င္ေတာ့ပဲ အပုိဆုေၾကးကုိပဲ မ်ားစြာေပးေခ်ဖုိ႔ ဆႏၵရွိေနတာျဖစ္ပါတယ္။ ဒါေပမယ့္ ယူႏုိက္တက္ဘက္ကေန ေပးေခ်ခ်င္တဲ႔ အပုိဆုေၾကးဆုိတာ ဖာနန္ဒက္စ္အေနနဲ႔ ဘလြန္းဒီေအာဆုရွင္ ျဖစ္လာခ်ိန္တုိ႔ ခ်န္ပီယံလိဂ္နဲဲ႔ ပရီးမီးယားလိဂ္ဆုဖလားေတြကုိ ပုိင္ဆုိင္မယ့္အခ်ိန္တုိ႔မွ ေပးေခ်မွာျဖစ္လုိ႔ ဒါေတြက လက္ေတြ႕အေျခအေနနဲ႔ တြက္ခ်က္ၾကည့္မယ္ဆိုရင္ ျဖစ္လာႏုိင္ဖုိ႔က အခ်ိန္ၾကာျမင့္ႏုိင္တာေၾကာင့္ ဒီကမ္းလွမ္းခ်က္ကုိ စပုိ႔တင္းဘက္ကေန လက္သင့္မခံခ်င္ရတာပဲျဖစ္ပါတယ္။ ဒီလုိအေျခအေနေတြ ရွိေနတာေၾကာင့္မုိ႔ ဖာနန္ဒက္စ္အေနနဲဲ႔ ယူႏုိက္တက္ကစားသမား ျဖစ္လာဖုိ႔ကေတာ့ ညိွႏႈိင္းမႈေတြကုိ ဆက္လက္ျပဳရဖြယ္ရွိေနေသးၿပီး တကယ္လုိ႔ Braz ေဖာ္ျပထားသလုိသာ ေပါင္၅၅သန္းတုိးေတာင္းလုိ႔ အဆင္မေျပေနတယ္ဆုိတဲ႔ သတင္းသာ မွန္ကန္မယ္ဆုိရင္ေတာ့ ယူႏုိက္တက္အေနနဲ႔ ေျပာင္းေရႊ႕ေၾကးကုိ ပုိေပးၿပီးကမ္းလွမ္းသင့္တယ္လုိ႔ ထင္မိပါတယ္။

(Unicode)

အခြေအနေသိပ်မကောင်းတော့တဲ့ ယူနိုက်တက်နဲ့ ဖာနန်ဒက်စ်ရဲ့အပြောင်းအရွှေ့

ဒီဆောင်းရာသီအပြောင်းအရွှေ့စျေးကွက်အတွင်းမှာ ဘောလုံးပရိသတ်တွေအတွက် အလှုပ်ခတ်ဆုံးဖြစ်နေရတဲ့ မန်ချက်စတာယူနိုက်တက်အသင်းနဲ့ ပေါ်တူဂီကစားသမားလေး ဘရူနိုဖာနန်ဒက်စ်တို့ရဲ့ အပြောင်းအရွှေ့အကြောင်းကတော့ အချိန်ကာလအားဖြင့် ၁၀ရက်တာလောက်အထိ ကြာမြင့်ခဲ့ပေမယ့်လည်း ဘဘောတူညီမှု ရယူနိုင်ခဲ့တယ်ဆိုတာနဲ့ပဲ လမ်းဆုံးနေခဲ့ရပြီး ဒါကိုလည်း ယူနိုက်တက်ပရိသတ်တွေဘက်ကနေလည်း အားမလိုအားမရဖြစ်နေရပါတယ်။ အခုလည်း ယူနိုက်တက်ပရိသတ်တွေကို စိတ်ပျက်သွားစေမယ့် သတင်းဆိုးတစ်ခုကလည်း ထွက်ပေါ်လို့လာခဲ့ပြန်ပါတယ်။

Photo Credit : Getty Images

ပေါ်တူဂီနိုင်ငံသား ဝါရင့်သတင်းထောက်တစ်ဦးရဲ့ထောက်လှမ်းထားမှုတွေအရ စပို့တင်းလစ္စဘွန်းအသင်းဟာ  သူတို့ရဲ့ကွင်းလယ်ကစားသမားအတွက် ပြောင်းရွှေ့ကြေးကို ယူနိုက်တက်ဘက်ကနေ ကမ်းလှမ်းထားတာထက် ပိုမိုတိုးမြှင့်တောင်းဆိုလာခဲ့လို့ ဒါက ယူနိုက်တက်ဘက်ကနေ လက်မခံနိုင်ပဲ အပြောင်းအရွှေ့က မဖြစ်လာနိုင်ဖို့တောင် အခြေအနေများလာခဲ့တယ်လို့ သိရှိရပါတယ်။ အဆိုပါ သတင်းထောက်ရဲ့ပြောပြချက်အရ ယူနိုက်တက်အသင်းဟာ ဖာနန်ဒက်စ်အတွက် ကနဦးအပြောင်းအရွှေ့အဖြစ် ပေါင်၄၂သန်းနဲ့သာ ကမ်းလှမ်းချင်နေပြီး ဒါဟာ စပို့တင်းဘက်ကနေ အလိုရှိနေတာနဲ့ ပေါင်၁၃သန်းလောက်အထိ ကွာဟလို့နေရပါတယ်။

Photo Credit : Getty Images

သတင်းထောက် Braz ဟာ ယူနိုက်တက်နဲ့ ဖာနန်ဒက်စ်တို့ရဲ့သတင်းတွေ စဉ်ဆက်မပြတ် အမြဲတင်ဆက်ပေးနေတဲ့ သတင်းထောက်ဖြစ်ပြီးတော့ ယူနိုက်တက်အသင်းက ဖာနန်ဒက်စ်အတွက် ပြောင်းရွှေ့ကြေးကို တိုးမပေးချင်တော့ပဲ အပိုဆုကြေးကိုပဲ များစွာပေးချေဖို့ ဆန္ဒရှိနေတာဖြစ်ပါတယ်။ ဒါပေမယ့် ယူနိုက်တက်ဘက်ကနေ ပေးချေချင်တဲ့ အပိုဆုကြေးဆိုတာ ဖာနန်ဒက်စ်အနေနဲ့ ဘလွန်းဒီအောဆုရှင် ဖြစ်လာချိန်တို့ ချန်ပီယံလိဂ်နဲဲ့ ပရီးမီးယားလိဂ်ဆုဖလားတွေကို ပိုင်ဆိုင်မယ့်အချိန်တို့မှ ပေးချေမှာဖြစ်လို့ ဒါတွေက လက်တွေ့အခြေအနေနဲ့ တွက်ချက်ကြည့်မယ်ဆိုရင် ဖြစ်လာနိုင်ဖို့က အချိန်ကြာမြင့်နိုင်တာကြောင့် ဒီကမ်းလှမ်းချက်ကို စပို့တင်းဘက်ကနေ လက်သင့်မခံချင်ရတာပဲဖြစ်ပါတယ်။ ဒီလိုအခြေအနေတွေ ရှိနေတာကြောင့်မို့ ဖာနန်ဒက်စ်အနေနဲဲ့ ယူနိုက်တက်ကစားသမား ဖြစ်လာဖို့ကတော့ ညှိနှိုင်းမှုတွေကို ဆက်လက်ပြုရဖွယ်ရှိနေသေးပြီး တကယ်လို့ Braz ဖော်ပြထားသလိုသာ ပေါင်၅၅သန်းတိုးတောင်းလို့ အဆင်မပြေနေတယ်ဆိုတဲ့ သတင်းသာ မှန်ကန်မယ်ဆိုရင်တော့ ယူနိုက်တက်အနေနဲ့ ပြောင်းရွှေ့ကြေးကို ပိုပေးပြီးကမ်းလှမ်းသင့်တယ်လို့ ထင်မိပါတယ်။