ေဒါ့မြန္အသင္းရဲ႕ဂ်ာမနီလက္ေရြးစင္ ကြင္းလယ္ကစားသမား ဂ်ဴလီယန္ဝုိင္ဂယ္ကေတာ့ အခုေဆာင္းရာသီေစ်းကြက္မွာပဲ ေဒါ့မြန္ကေန ေပၚတူဂီထိပ္သီးကလပ္ ဘင္ဖီကာအသင္းဆီကုိ ယူရုိသန္း၂၀နဲ႔ ေျပာင္းေရႊ႕သြားခဲ႔ၿပီး မၾကာခင္မွာ ဘင္ဖီကာအသင္းနဲ႔အတူ ပြဲထြက္ကစားရေတာ့မွာပဲျဖစ္ပါတယ္။ ကြင္းလယ္ခံစစ္ပုိင္းမွာ အဓိကပါဝင္ကစားခဲ႔သူျဖစ္တဲ႔ ဝုိင္ဂယ္ဟာ ေဒါ့မြန္အသင္းသားအျဖစ္နဲ႔ ၅ႏွစ္ေလာက္ က်င္လည္ခဲ႔ၿပီးမွ ပီအက္စ္ဂ်ီ မန္စီးတီးအသင္းတုိ႔ရဲဲ႕ကမ္းလွမ္းမႈေတြကုိ လစ္လ်ဴရွုၿပီး ဘင္ဖီကာအသင္းဆီကုိ ေျပာင္းေရႊ႕ဖုိ႔ ဆုံးျဖတ္ခဲ႔တာပဲျဖစ္ပါတယ္။

Photo Credit : ITA Sports Press

အသက္၂၄ႏွစ္အရႊယ္ရွိၿပီျဖစ္တဲ႔ ဝုိင္ဂယ္ဟာ ေဒါ့မြန္အသင္းနဲ႔ ႏွစ္ေပါင္းမ်ားစြာ ျဖတ္သန္းခဲ႔ၿပီးမွ အခုလုိ ဘင္ဖီကာအသင္းဆီကုိ ေျပာင္းေရႊ႕ခဲ႔တာျဖစ္ၿပီး ဒါကုိ ဘင္ဖီကာအသင္းရဲဲ႕ပရိသတ္တစ္ဦးကေန ထူးထူးျခားျခား ပုံစံတစ္ခုနဲ႔ ႀကိဳဆုိသြားခဲ႔ပါတယ္။ ဒူရာတီမန္ဒက္စ္လုိ႔ အမည္ရတဲ႔ ဘင္ဖီကာအသင္းရဲ႕ပရိသတ္တစ္ဦးဟာ ၿပီးခဲ႔တဲ႔ ဒီဇင္ဘာ ၁၈ရက္ေန႔ကပဲ သူရဲဲ႕တြစ္တာစာမ်က္ႏွာေပၚမွာ ဝုိင္ဂယ္သာ ဘင္ဖီကာကုိ ေရာက္ရွိလာခဲ႔မယ္ဆုိရင္ တစ္ကီလုိမီတာ အကြာအေဝးေလာက္အထိ အဝတ္အစားမပါပဲ မိေမြးတုိင္းဖေမြးတုိင္းအတုိင္း ေျပးလႊားျပမယ္လုိ႔ ေရးသားခဲ႔တာေၾကာင့္ အခုလုိ ဝုိင္ဂယ္ေရာက္လာခ်ိန္မွာ သူရဲ႕ကတိစကားကုိ တည္သြားခဲ႔တာပဲျဖစ္ပါတယ္။

Photo Credit : Metropoles

မန္ဒက္စ္က သူရဲ႕ဘင္ဖီကာအသင္းကေန ဝုိင္ဂယ္ကုိ ေခၚယူၿပီးရက္ပုိင္းအၾကာမွာပဲ သူရဲ႕ဆုိရွယ္မီဒီယာေပၚမွာ ဗီဒီယုိဖုိင္တစ္ခုကုိ တင္သြားခဲ႔ၿပီး အဲ႔ဒီဗီဒီယုိထဲမွာ သူရဲ႕ကတိစကားအတုိင္း ကုိယ္လုံးတီးပုံစံနဲ႔ တစ္ကီလုိမီတာ အကြာအေဝးကုိ ေျပးလႊားျပခဲ႔ပါတယ္။ ဒီလုပ္ရက္အေပၚမွာ ဝုိင္ဂယ္က သေဘာက်ႏွစ္သက္ေနခဲ႔ၿပီး မန္ဒက္စ္ကလည္း ဝုိင္ဂယ္အေနနဲ႔ သူတုိ႔အသင္းဆီ ေျပာင္းေရႊ႕လာတဲ႔အေပၚ အရမ္းဝမ္းသာအားရခဲ႔တဲ႔အျပင္ ဝုိင္ဂယ္ကုိလည္း သူခ်စ္ျမတ္ႏုိးတာေၾကာင့္ ျဖစ္ႏုိင္မယ္ဆုိရင္ ဝုိင္ဂယ္ကုိယ္တုိင္ လက္မွတ္ထိုးထားတဲ႔ ဘင္ဖီကာဝတ္စုံကုိ လုိခ်င္ေၾကာင္း ထုတ္ေဖာ္ေျပာဆုိခဲ႔ကာ ဝုိင္ဂယ္ကလည္း မန္ဒက္စ္ကုိ သူလက္မွတ္ထုိးထားတဲ႔ ဝတ္စုံကုိ ေသခ်ာေပါက္ ေပးအပ္သြားမယ္လုိ႔ ျပန္လည္ေျပာဆုိသြားခဲ႔ပါတယ္။ ဝုိင္ဂယ္ဟာ သူရဲ႕ပထမဆုံးေသာ ဘင္ဖီကာအသင္းရဲ႕ပြဲစဥ္အျဖစ္ လာမယ့္ဇန္နဝါရီ ၁၀ရက္ေန႔မွာ ကစားသြားမယ့္ ေအဗီစ္အသင္းနဲ႔ ေပၚတူဂီအမွတ္ေပးပြဲစဥ္မွာ ပါဝင္ကစားဖြယ္ရွိေနပါတယ္။

(Unicode)

ကစားသမားသစ်ကို အံ့အားသင့်စဖွယ်ပုံစံနဲ့ ကြိုဆိုလိုက်တဲ့ ဘင်ဖီကာပရိသတ်တစ်ဦး

ဒေါ့မွန်အသင်းရဲ့ဂျာမနီလက်ရွေးစင် ကွင်းလယ်ကစားသမား ဂျူလီယန်ဝိုင်ဂယ်ကတော့ အခုဆောင်းရာသီစျေးကွက်မှာပဲ ဒေါ့မွန်ကနေ ပေါ်တူဂီထိပ်သီးကလပ် ဘင်ဖီကာအသင်းဆီကို ယူရိုသန်း၂၀နဲ့ ပြောင်းရွှေ့သွားခဲ့ပြီး မကြာခင်မှာ ဘင်ဖီကာအသင်းနဲ့အတူ ပွဲထွက်ကစားရတော့မှာပဲဖြစ်ပါတယ်။ ကွင်းလယ်ခံစစ်ပိုင်းမှာ အဓိကပါဝင်ကစားခဲ့သူဖြစ်တဲ့ ဝိုင်ဂယ်ဟာ ဒေါ့မွန်အသင်းသားအဖြစ်နဲ့ ၅နှစ်လောက် ကျင်လည်ခဲ့ပြီးမှ ပီအက်စ်ဂျီ မန်စီးတီးအသင်းတို့ရဲဲ့ကမ်းလှမ်းမှုတွေကို လစ်လျူရှုပြီး ဘင်ဖီကာအသင်းဆီကို ပြောင်းရွှေ့ဖို့ ဆုံးဖြတ်ခဲ့တာပဲဖြစ်ပါတယ်။

Photo Credit : ITA Sports Press

အသက်၂၄နှစ်အရွှယ်ရှိပြီဖြစ်တဲ့ ဝိုင်ဂယ်ဟာ ဒေါ့မွန်အသင်းနဲ့ နှစ်ပေါင်းများစွာ ဖြတ်သန်းခဲ့ပြီးမှ အခုလို ဘင်ဖီကာအသင်းဆီကို ပြောင်းရွှေ့ခဲ့တာဖြစ်ပြီး ဒါကို ဘင်ဖီကာအသင်းရဲဲ့ပရိသတ်တစ်ဦးကနေ ထူးထူးခြားခြား ပုံစံတစ်ခုနဲ့ ကြိုဆိုသွားခဲ့ပါတယ်။ ဒူရာတီမန်ဒက်စ်လို့ အမည်ရတဲ့ ဘင်ဖီကာအသင်းရဲ့ပရိသတ်တစ်ဦးဟာ ပြီးခဲ့တဲ့ ဒီဇင်ဘာ ၁၈ရက်နေ့ကပဲ သူရဲဲ့တွစ်တာစာမျက်နှာပေါ်မှာ ဝိုင်ဂယ်သာ ဘင်ဖီကာကို ရောက်ရှိလာခဲ့မယ်ဆိုရင် တစ်ကီလိုမီတာ အကွာအဝေးလောက်အထိ အဝတ်အစားမပါပဲ မိမွေးတိုင်းဖမွေးတိုင်းအတိုင်း ပြေးလွှားပြမယ်လို့ ရေးသားခဲ့တာကြောင့် အခုလို ဝိုင်ဂယ်ရောက်လာချိန်မှာ သူရဲ့ကတိစကားကို တည်သွားခဲ့တာပဲဖြစ်ပါတယ်။

Photo Credit : Metropoles

မန်ဒက်စ်က သူရဲ့ဘင်ဖီကာအသင်းကနေ ဝိုင်ဂယ်ကို ခေါ်ယူပြီးရက်ပိုင်းအကြာမှာပဲ သူရဲ့ဆိုရှယ်မီဒီယာပေါ်မှာ ဗီဒီယိုဖိုင်တစ်ခုကို တင်သွားခဲ့ပြီး အဲ့ဒီဗီဒီယိုထဲမှာ သူရဲ့ကတိစကားအတိုင်း ကိုယ်လုံးတီးပုံစံနဲ့ တစ်ကီလိုမီတာ အကွာအဝေးကို ပြေးလွှားပြခဲ့ပါတယ်။ ဒီလုပ်ရက်အပေါ်မှာ ဝိုင်ဂယ်က သဘောကျနှစ်သက်နေခဲ့ပြီး မန်ဒက်စ်ကလည်း ဝိုင်ဂယ်အနေနဲ့ သူတို့အသင်းဆီ ပြောင်းရွှေ့လာတဲ့အပေါ် အရမ်းဝမ်းသာအားရခဲ့တဲ့အပြင် ဝိုင်ဂယ်ကိုလည်း သူချစ်မြတ်နိုးတာကြောင့် ဖြစ်နိုင်မယ်ဆိုရင် ဝိုင်ဂယ်ကိုယ်တိုင် လက်မှတ်ထိုးထားတဲ့ ဘင်ဖီကာဝတ်စုံကို လိုချင်ကြောင်း ထုတ်ဖော်ပြောဆိုခဲ့ကာ ဝိုင်ဂယ်ကလည်း မန်ဒက်စ်ကို သူလက်မှတ်ထိုးထားတဲ့ ဝတ်စုံကို သေချာပေါက် ပေးအပ်သွားမယ်လို့ ပြန်လည်ပြောဆိုသွားခဲ့ပါတယ်။ ဝိုင်ဂယ်ဟာ သူရဲ့ပထမဆုံးသော ဘင်ဖီကာအသင်းရဲ့ပွဲစဉ်အဖြစ် လာမယ့်ဇန်နဝါရီ ၁၀ရက်နေ့မှာ ကစားသွားမယ့် အေဗီစ်အသင်းနဲ့ ပေါ်တူဂီအမှတ်ပေးပွဲစဉ်မှာ ပါဝင်ကစားဖွယ်ရှိနေပါတယ်။