မန်ချက်စတာ ယူနိုက်တက်အသင်းဟာ နော်တင်ဟမ် ဖောရက်စ်အသင်းကို ရှုံးနိမ့်ခဲ့ရတဲ့ပွဲရဲ့ နောက်ဆုံးမိနစ်တွေမှာ တိုက်စစ်အားနည်းမှုကြောင့် နောက်ခံကစားသမား ဟယ်ရီ မက်ဂွိုင်းယားကို တိုက်စစ်မှူးအဖြစ် အသုံးပြုဖို့ ဆုံးဖြတ်ခဲ့ရတာဖြစ်ကြောင်း ယူနိုက်တက်အသင်းနည်းပြ ရူဘင် အမော်ရင်က ရှင်းပြခဲ့ပါတယ်။

ယူနိုက်တက်အသင်းဟာ စီးတီးဂရောင်းမှာ အဆင့်(၃)နေရာက အိမ်ရှင်နော်တင်ဟမ်အသင်းကို (၁)ဂိုး ဂိုးမရှိနဲ့ ရှုံးနိမ့်ခဲ့ရပါတယ်။ ကစားသမားဟောင်း အန်တိုနီ အီလန်ဂါရဲ့ ပထမပိုင်းသွင်းဂိုးကြောင့် ဖောရက်စ်အသင်း အနိုင်ရရှိခဲ့ပေမယ့် နောက်ဆုံးမိနစ်မှာ မက်ဂွိုင်းယားရဲ့ ဂိုးသွင်းယူခွင့်ကြောင့် ယူနိုက်တက်တို့ ချေပဂိုးရဖို့ နီးစပ်ခဲ့ပါတယ်။

Photo Credit : Evening Standard

လူစားဝင်ကစားသမား မက်ဂွိုင်းယားဟာ (၈၈)မိနစ်မှာ လူစားဝင်လာပြီး ဂိုးပေါက်ကို ကန်သွင်းခဲ့ပေမယ့် နောက်ခံလူ မူရီလိုက ဂိုးစည်းပေါ်ကနေ ရှင်းထုတ်ခဲ့ပါတယ်။ “ပွဲရဲ့အဆုံးမှာ ပြိုင်ဘက်က ဂိုးဧရိယာကို ကာကွယ်နေတဲ့အခါ သူတို့ သက်တောင့်သက်သာရှိပါတယ်” လို့ အမော်ရင်က ပွဲအပြီး သတင်းစာရှင်းလင်းပွဲမှာ ပြောကြားခဲ့ပါတယ်။

“ကျွန်တော်တို့ final third zone ကို ရောက်နိုင်ပေမယ့် ဂိုးဧရိယာထဲကို ဘောလုံးထည့်ရမယ်။ ဘာလို့လဲဆိုတော့ ပေါင်းစပ်ကစားဖို့ ခက်ခဲလို့ပါ။ ဟယ်ရီ မက်ဂွိုင်းယားက အသင်းရဲ့set piecesတွေမှာ တိုက်စစ်ဆင်တဲ့အခါ အကောင်းဆုံး ကစားသမားဖြစ်နိုင်တယ်။ ဧရိယာထဲမှာ မင်းက ခံစစ်မှူး မဟုတ်တော့ဘူး တိုက်စစ်မှူးပဲ။ ဂိုးသွင်းဖို့ အဲဒီမှာ ကောင်းတဲ့ ကစားသမားတစ်ယောက်ကို ထည့်လိုက်တာပါ။” လို့ အမော်ရင်က ရှင်းပြသွားခဲ့ပါတယ်။

Photo Credit : Sky Sports

ယူနိုက်တက်အသင်းဟာ ပွဲတစ်လျှောက်လုံးမှာ ဂိုးပေါက်ကို (၂၃)ကြိမ် ကန်သွင်းခဲ့ပြီး (၆)ကြိမ်သာ ဂိုးပေါက်ကို တည့်မတ်ခဲ့ပါတယ်။ ဒါပေမယ့် မက်ဂွိုင်းယားရဲ့ ကန်ချက်ကို မူရီလိုက ရှင်းထုတ်ခဲ့တဲ့ အချိန်အထိ ဖောရက်စ်ဂိုးသမား မက်ဇ်ဆဲလ်စ်ကို အရေးပါတဲ့ ကာကွယ်မှုတွေ လုပ်ခိုင်းနိုင်ခဲ့ခြင်း မရှိခဲ့ပါဘူး။

ယူနိုက်တက်အသင်းရဲ့ ဂိုးသွင်းအားနည်းမှုနဲ့ပတ်သက်ပြီး မေးမြန်းတဲ့အခါ အမော်ရင်က “ဒါက ထင်ရှားပါတယ်။ ကျွန်တော်တို့ အခွင့်အရေးတချို့ ဖန်တီးနိုင်ခဲ့ပေမယ့် ဘောလုံးပိုင်ဆိုင်မှု ဒီလောက်ရထားတာနဲ့ ယှဉ်ရင် ပိုဖန်တီးနိုင်သင့်တယ်။ final third zoneကို အကြိမ်များစွာ ရောက်ခဲ့ပေမယ့် ပိုကောင်းအောင် လုပ်ဖို့ လိုတယ်။ ဂိုးသွင်းတာက အရေးကြီးတယ်၊ အခု ကျွန်တော်တို့ ဂိုးတွေ မရှိသလောက် ဖြစ်နေတယ်။ ကျွန်တော်တို့ ဖောရက်စ်ကို သူတို့ လိုချင်တဲ့ နေရာမှာ ထားခဲ့မိတယ်။ သူတို့မှာ အသွင်ကူးပြောင်းမှု မြန်တဲ့ ကစားသမားတွေ ရှိတယ်။ ကျွန်တော်တို့ ရှေ့ကို တွန်းတက်ခဲ့ပေမယ့်final third zoneမှာ မလုံလောက်ခဲ့ဘူး။” လို့ ဖြေဆိုသွားခဲ့ပါတယ်။